سايير حركتلر

"بیرلیک" ین 1 مای موناسیبتی ایله بیاناتی

ish گونئی آزربایجان ایشچی لری تشکیلاتلانمالی دیرلار                                                      

مای آینین 1، بین الخالق ایشچیلر گونونه یاخینلاشیریق. آزربایجان ایشچیلری و زحمت آداملاری هر ایل مای ین بیرینده عدالت و برابرلیک اوغوروندان یوروشلر دوزنله ییر و ایشچی لرین گونده لیک و یا گله جک پروبلئم لریندن، سیخینت لاریندان، و اونلارا قارشی باسقی لاردان دانیشیرلار. دونیانین دئمکراتیک اؤلکه لرینده ایشچیلر و زحمت آداملارنین تشکیلات لاری کامو اویونا (عمومی افکارا) تاثیر ائتمک اوچون گئنیش یوروشلر و نمایش لر گئچیریرلر. آمما استبداد و سؤمورگه چیلیک کؤک سالان اؤلکه لرده و او جمله دن ایران دا، آزربایجان ایشچی و امک آداملاری (ایرانین باشقا بؤلگه لری کیمی) اؤز پروبلئم لریندن دانیشماق و عدالت پرور ایستک لرین مئیدانا چیخارماقدا، ایران مرکزی دئولت طرفیندن سیخینتی لار و باسقین لارا معروض قالیرلار.

 

 

ایش سیزلیین هر گون آرتماسی، ایش چی لرین آیلیق اوجرت لرینین وئریلمه مه سی، اونلارین ایش لرنین دوامیندا گوون اولماماسی، یوخسوللوغون گئنیش واسیطه ایله توپلومدا یایلماسی، ایشچیلر هرگون داها آرتیق حقارته و اهانت معروض قالماسی ایران ایسلام جمهوریتی نین گئچن 30 ایلده سیاست لرینین نتیجه سی دیر. عین حالدا بو دئولت خاریجی سیاست لرین یوروتمک اوچون گئری قالمیش تروریست اؤرگوترلره میلیون لارجا پول خرجله مکده دیر.

گئچن ایل، هر ایل کیمی، گونئی آزربایجان دا یوزلرجه ایشچی و زحمت آدملارینین فرقلی حرکت و ائیله ملرله بو قبول اولونماز شرایطه اؤز اعئتراض لارین بیلدیرمیشدیرلر. او جمله دن ساوه شهرینین "نورد" فابیرکاسیندان 1200 ایشچی اعتراض اولاراق ایش یئرلرین ترک ائتمیش و اردبیل شهری نین "ده میر اریتمه" فابریکاسیندان 250 ایشچی اوجرت لرینین اوچ آی گئج قالماسینا اعتراض اولاراق قیرئوه (تحصنه) چیخمیش دیرلار. بو اعتراض لارین سایی گئت- گئت آرتمادادیر.

 

گونئی آزربایجان ین ایشچی و زحمت آدام لاری ایسلام جمهوروسونون حیاتینین ده وام ائدمه سی حالدا، هر یؤن ده ن و هر گون داها چوخ سیخینتی، اوزونتویه و باسقینا معروض قالیرلار. گونئی آزربایجانین ایشچی و زحمت آداملاری عدالت پرور ایستک لری اوچون ایران دئولتینه قارشی اؤز ایستک لرین آیدینجا دیله گتیرمه لی و او ایستک لرین گئنیش واسیطه ده یایلماسی اوچون معین تاکتیک و اولوملو ائیله مله ره سؤیکن ملی دیر.

 

ایشچی لر و زحمت آدملاری و اونلارا آیید تشکیلات لار، گونئی آزربایجان دا گئدن میللی و دئمکراتیک حرکاتا لاقید قالابیلمزلر. چون کی گونئی آزربایجان ایشچیلری و زحمت آداملاری، ایستر- ایسته مز ایستیبدادی دئولتین باسقی سینا، اونون سؤمورگه چی سیاستی نین سیخینتی سینا و ایشچیلرین داها چوخ استثمارینا ساکیت قالا بیلمزلر.

 

گونئی آزربایجانین ایشچی حرکاتی، توپلومون دئمکراتیک سوره جینه قاتیلماق اوچون، آزربایجان دا گئدن سیاسی مباریزه یه دستک وئرمه لی و اوندان دستک آلمالیدیر. گونئی آزربایجانین آزادلیغی و گله جه یی سوسیال، صینیف سل، کولتورل و سیاسی حرکت لری چیین- چیینه مبارزه ائتمه سی و عدالت چیلیک اساسیندا بیرلیگینی ساغلاماغا چالیشمالی دیر.

 

بیرلیک بو واسیطه ایله، مای آی نین 1، دونیا اؤزه ایشچیله ره و خصوصن آزربایجان ایشچیلری و زحمت آداملارینا بو گونو تبریک دئیر و اونلارا اؤز مباریزه لرینده اوغورلار دیله ییر.

 

یاشاسین مای ین بیری، دونیا ایشچیلر گون

 

گونئی آزربایجان میللی دئمکراتیک بیرلیگی- بیرلیک

2015-04-28