سايير حركتلر

8 مارت، دونیا قادین لار گونونون موناسیبتی ایله بیانات

qadin gunuبرابر یاشاماغا چالیشیریق

8 مارت ین یاخین لاشماسی، بیر طرفدن کدر، باشقا طرفدن زئوق ایله قارشیلانیر، کدر 8 مارتین یارادنلارینین قادین حاقلاری اوغوروندان جانین وئرنلر اوچون، و شادلیق قادین لار اوچون بین الخالق بیر گونون رسمیت تاپماسی و قادین کیشی برابرلییی اوچون موباریزه دونیا چاپیندا اؤزونه بیر اهمیت لی زمین قازانمیشدیر.

 

مارتین 8ی قادین لارین هر ساحه ده چکدیگی سیخینتی لار، باسقی لار، حقارت لر، آیری سئگیلیک لرینه قارشی باغیران بیر گون، اؤز فردی یاشامینا حاکیم اولماق اوچون بیر هایقیری گونو، و قادین لارین دوشوک بیر شرایط ده یاشاما قارشی برابرلیک موباریزه سینین سیبولیک بیر گونودور. 8 مارت قادین برابرلیگی نین بین الخالق آلاندا هایقیریسینین گونودور.

 

 

تاریخ بویو، گئرجی و پاتریالکال کولتور (فرهنگ) ده ن چکن آجیلیق لار، توپلومون صینیف قایدالارینا چه تینلیک لرینه قادلاشانلار، آتا بئیلی گین چتین لیک لرینه سیاست ساحه سینده معروض قالان قادین لار 8 مارتی بو ظولوم لر و حاقسیزلیغا قارشی موباریزه سینده بیر بایراق کیمی قولانیر. قادین لار اوچون مارتین 8ی قادین لارا عدالت اوچون موباریزه ائتمه بایراغی سایلیر. بو برابرلیک بایراغی هر زامان اسمه ده و هر زامان دیک دورما ایله قادین لار و اونلارلا چیین چیین فمنیست و یا پروفمنیست کیشی لر بو برابرلیک موجادیله سین دوام ائده جک لر.

 

گونئی آزربایجان قادینی، ایران سیاسی چاپیندا گئنیش، آغیر و یوغون چتین لیک لرله قارشی قارشییا دورماقدادیر. تورک قادینی جنسیت آیر سئچگیلیگی، دین آیری سئچگیلیگی، دیل آیری سئچگیلیگی، میللی هویت آیری سئچگیلیگی نه معروض قالان بیر آزربایجان قادینی اولماقدادیر. آزربایجان دا یاشایان بیر قادین، تورک بیر قادین بوگون یالنیز بیر پاتریالکال مدنیتین ائگه منلیگینده (دومینانتیلیغیندا) یوخ، بلکه ایران دئولتی نین دین و میللی باخیش آچی سینین باسقی سی آلتیندا دیر. ائله بیر باسقی کی حتی ایلده بیر گون ده 8 مارتی قئید ائله مه یه چوخ شیددتله قارشی دورور.

 

بیرلیک، 8 مارتی بؤیوک زئوق ایله قارشی لاییر و اؤزون بیر فمنیست قوروم تانییر. بیرلیک آزربایجان قادینی ایله چیین چیینه قادین کیشی برابرلیگین ساغلاماق اوچون موباریزه آپاراجاقدیر و بو موباریزه نین اوغورون گونئی آزربایجانیمیزا چوخ اهمیتلی بیر اوغور کیمی ده یرلندیرجکدیر.

 

بیرلیک

گونئی آزربایجان میللی دئمکراتیک بیرلیگی

7 مارت 2015