ديالوق و پولميك

اسماعیل جمیلی: ایران انقلابی دؤنەمینده گونئیده ملی دوشونجه ضعیف ایدی - آمئریکانین سسی ایله موصاحیبه

 

ismail cemili

 
 

 

علیرضا قولونجو

 1979 ایران اسلام انقیلابیندان سونراکی ایلک ایللرده یئنی حؤکومتین حاکیمییتینی گوجلندیردییی بیر واخت اؤلکەده محدود شکیلده اولسا دا موختلیف سیاسی جریانلار فعالییت گؤستەره بیلیردی. همین واختلار تبریز رادیوسوندا چالیشمیش گونئیلی شاعر اسماعیل جمیلی آمئریکانین سسی ایله صؤحبتده اینقیلابین ایلک ایللری گونئیدەکی سیاسی-مدنی آتموسفئری تصویر ائدیب.

 اسماعیل جمیلی خوصوصیله او واختلار تبریزده ملی مسالەنی گوندەمه گتیرمک اوچون یارانمیش ایمکانلاری، ائلەجه ده مؤوجود پروبلئملری دەیرلەندیریب.

“انقلابدان سونرا بیر چاش-باشلیق وار ایدی. حاکمییت هله یئرینه اوتورمامیشدی. اؤزللیکله مرکزدن اوزاق بؤلگەلر اوزەرینده نظارت آز ایدی،” دئیه گونئیلی شاعیر 1979-جو ایلده یارانمیش آتموسفئری شرح ائدیب.

 جمیلی همچینین او واخت ایران آذربایجانیندا یوکسک نوفوذ صاحیبی اولان بؤیوک آیت لله سید محمد کاظم شریعتمداری و اونا باغلی مسلمان خالق حرکاتینین سیاسی آتموسفئر اوزەرینده تاثیری ایله باغلی دانیشیب.

 اونون سؤزلرینه گؤره، نسبتا آچیق شرایط-ین یارانماسی ایله بیرلیکده تبریزده آذربایجان تورکجەسینده بیر نئچه قزئت یاییلماغا باشلادی، ادبیات اوجاغی تاسیس ائدیلدی و آذربایجان موسیقی کونسئرتلری تشکیل ائدیلدی.

“گونئی آذربایجاندا فرقلی سیاسی جریانلار دا آکتیولشمیشدی. اونلار دا اؤز دونیا گؤروشلرینی تبلیغ ائتمک ایستیقامتینده ملی مسالەدن یارارلانماغا چالیشیردی. توده پارتییاسی (ایرانین کومونیست قروپلاریندان) ادبیات اوجاغی کیمی قوروملاری اله کئچیرمک ایستییردی،”- دئیه اسماعیل جمیلی سیاسی جریانلارین رولو حاقدا فیکیرلری ایله بؤلوشوب.

 جمیلی او دؤنەمده آپاریلان فعالیتلرین جیدی و داواملی نتیجەلرینین الده ائدیلمەمەسینی ملی دوشونجەنین ضعیف اولدوغو ایله ایضاح ائدیب.

“آیدینلار ملی آیدین دئییلدیلر. تورک دیلینده یازماغی بیلنلرین بیر چوخو سووئتلرین تبلیغاتینین تاثیرینده ایدی. سووئت محبتی ایله آذربایجان محبتی قاریشمیشدی بیر-بیرینه،”- دئیه او سؤیلەییب.

 اسماعیل جمیلی تبریز رادیوسوندا فعالییتلری حاقیندا دا دانیشیب.

“رادیو پروقراملاردا ملی مسالەنی یوموشاق شکیلده گوندەمه گتیرمیه چالیشیردیق. وئریلیشلرده ایشلەنن تورکجه بو گون تبریز رادیوسوندا دانیشیلان تورکجه کیمی دئییلدی، تمیز تورکجه ایدی،”-دئیه آمئریکادا موهاجیرتده یاشایان شاعر علاوه ائدیب.

 

بو یازی یوردنت طرفیندن عرب الیفباسینا کوچورولموشدور

http://www.amerikaninsesi.org/content/ismay%C4%B1l-c%C9%99mili/1905963.html