خانه/ ائو

نسيللرآراسي اوچوروم

alinsky customکئچميشده هم اينتئللئکتوال باخيمدان، هم ده فيزيکي باخيمدان دونيا چوخ داها کيچيک، ساده و نيظاملييدي. اينسانا اينانديريجي گليردي. بو گون هر شئي او قدر کومپلئکسدير کي، درک ائتمک اولدوقجا چتيندير. بير اينسان اوچون آيا چيخماق ديگرلري سوسيال يارديم اوچون گؤزله‌يرکن و يا ويئتنامدا آزادليق اوغروندا، هانسيسا بير ديکتاتور اوچون اؤلدورولوب جان وئررکن نئجه بير معنا داشييا بيلر کي؟ بونلار اينسانين چيلغين حيس لرينه قاريشميشکن اوجا بير دَيره ساريلديغي آنلاردير. 

نيظاملي قورولوش اينتيحارا مئيلليدير. عئينيله ايفراط سولدان بعضي کسلر کيمي. تک فرق بو سيستئمين ايفراط سولون اصلا اولا بيلميه‌جه یي قدر داغيديجي اولا بيلمه‌سيدير. چاره‌سيزليک و اوميدسيزليگين سونوندا اؤلوم واردير. بو آن بوتون اؤلکه اوزرينده هاوادا آسيلي بير اؤلوم دويغوسو وار.


بو گونون نسلي بوتون بونلاري قارشيسينا آلميش و "من عؤمرومو عايله مين يا دا يولداشلاريمين کئچيرديیي کيمي کئچيرمک ايسته ميرم. من بير شئي ياراتماق، اؤزوم اولماق، اؤزومه خاص بير شئيلر ائتمک، من ياشاماق ايسته‌ييرم. بير اولکي نسيل بونلاري آنلامير و داها پيسي ده آنلاماق ايسته مير. من بير کامپيوتره گيريلن دئیتا، بير آنکئتين ایستاتيستيکلر، يا دا کرئديت کارت ايستيفاده‌چيسي بير سئچيجيلردن عيبارت اولماق ايستمه يرم. گنجلره گؤره دونيا دلي اولموش و چؤکوش حاليندادير.

ديگر طرفدن بير اولکي نسلين عوضولرينين ده باشلاري آز قاريشيق دئييل. سسلرينين چوخ چيخماماسينين و يا معلوماتلانمامالارينين سببي بلکه ده دونيانين داها ساده اولدوغو بير کئچميشه ايليشيب قالماقلاريدير. بير گون بير شکيلده هر شئيين يولونا گيره‌جه یي اوميدييله کؤهنه دَيرلره ساريليرلار. زامانين گنجلرينين باش قاريشيقليغينين زامانلا کئچه‌جه یيني دوشونورلر. دونياني بو حالييلا حل ائده بيلمه‌ديکلري اوچون گنج نسيلله هر جور موذاکيره‌دن بو حيرص اويانديران "منيم ياشيما گلينجه آنلارسان" بهانه‌سي ايله قاچيرلار. گنجلردن بيري چيخيب دا "سن منيم ياشيما گلينجه، کي، بو دا هئچ بير زامان دئمکدير، او زامان آنلاياجاقسان، يعني هئچ بير زامان آنلاماياجاقسان" دئسه رئاکسييالاري نه اولاردي منه ماراقليدير. باشا دوشمک اوچون جهد ائتديکلريني ايديعا ائدنلر "اوشاقلاريملا و يا اونلارين دوستلاري ايله دانيشارکن اونلارا "باخين سؤيله‌ديیينيز شئيلرين اؤنملي اولدوغونو دوشونورم و حؤرمت ائديرم. سيز منه "گئري دوشونجه‌لي" دئييرسينيز، دردينيزي آنلاماديغيمي، ندن دانيشديغينيزدان بئله خبريم اولماديغيني" و داها بير سيرا شئي سؤيله‌ييرسينيز. بس سيزه قوشولدوم توتاق کي، بو سفر نه ايسته‌ديیينيزي سوروشاندا "اؤز ايسته‌دييم شئيي ائتمک ايسته‌ييرم" دئيه‌جکسينيز. ياخشي، ندير بو ايسته‌ديينيز شئي؟ داها ياخشي بير دونيا ايسته‌ديينيزي سؤيله‌ييرسينيز. نه کيمي؟ بيردن صولح، سئوگي و ديگر مسله‌لري دئيرسينيز، چونکي اينسان اينساندير، بؤيوينده آنلاياجاقسينيز، هئچ نه دَييشن دئييل. باغيشلايين بو "منيم ياشيما گلنده" جومله‌لريندن قورماق ايسته‌مزديم. اصلا "بؤيوينده آنلاياجاقسان" کيمي بير شئي سؤيله‌مک ايسته ميرم. سؤيله‌ديکلرينيزه حؤرمت ائديرم. نييه بو جور سوسدونوز؟ سيز نه ايسته‌ديينيزي بيليرسينيزمي؟ نه باره‌ده موذاکيره ائتديينيزي بيليرسينيزمي؟ نييه هئچ جور اويغونلاشا بيلميريک؟

باخ بونا نسيللرآراسي اوچوروم دئييرلر.


ترجومه ائتدي: حسنلي فريدبي

منبع: Saul Alinski, 1971, "Radikallar üçün qanunlar"

دوشونجه - اندیشه

ساخت و پرداخت هویتی در ایران/ سعید پیوندی

ساخت و پرداخت هویتی در ایران/ سعید پیوندی
ایرانی بودن به چه معناست و این حس هویتی مشترک میان مردمان سرزمینی که در داخل مرزهای امروزی کشور زندگی می‌کنند از ادامه...

ستارخان دوشونجه لرینی ، هله ده دوشونمه ین لر وار/ ابراهیم...

ستارخان دوشونجه لرینی ، هله ده دوشونمه ین لر وار/ ابراهیم...
چاغداش تاریخیمیزده اؤز دؤوروندن ایرلی گئدن اینسانلاریمیز آز اولماسا دا آراسیرا اؤزگه اولوسلارین بویوندوروغو ادامه...

ژان پول سارتر نه دئییردی؟

ژان پول سارتر نه دئییردی؟
ژان-پول سارتر (Jean-Paul Sartre) 1905-جي ايلده آنادان اولوب. گمي کاپيتاني اولان آتاسي او کؤرپه اولارکن دونياسيني ادامه...

شاید مسأله حق تحصیل به زبان مادری باشد!/ سعید متین پور

شاید مسأله حق تحصیل به زبان مادری باشد!/ سعید متین پور
در نخستین سال‌های دهه‌ی ۶۰ خورشیدی «حبیب ساهر» مدرس و مؤلف علم جغرافیا و شاعر نوپرداز با پرتاب خود از بالکن ادامه...

طبقه کارگر و مسأله ملی/ و. ای. لنین

طبقه کارگر و مسأله ملی/ و. ای. لنین
روسیه، تا آنجایی که به مسأله ملیتهای او مربوط می‌باشد، کشوری است مختلط. سیاست حکومت که همانا سیاست ملاکین ادامه...

سون ماتريال