خانه/ ائو

آرتور شوپنهاور: دونيا ايضطيرابلاري

schopenhauer"عذاب حياتين آيريلماز حيصه سي اولماسا، او زامان حياتيميزين بير مقصدي اولماز. يئر اوزونده ياشانان آغريلاردا هئچ بير مقصد اولماديغيني و بوندا آز دا اولسا خوشبختليک پايينين اولماماسيني گؤرمک چوخ معناسیزدیر. شوبهه‌سيز، بدبختليک اؤزلویونده نسه غئيري-عادي حاديثه کيمي گؤرونور، آما عوموميليکده بو، حياتين قانونودور" (آرتور شوپنهاور)

 


فلسفي سيستملردن بير چوخو شري منفي بير حال کيمي تقديم ائدير، من دونيادا بوندان بؤيوک جفنگيات بيلميرم. موثبت اولان شئي اؤزلویونده هم ده شردير؛ او اؤز ياشاميني حيس ائتديرير. خوصوصيله ده ليبنيز بو جفنگياتي داها چوخ مودافيعه ائله‌ييب: او، اؤز مؤوقعييني بير اهميتي اولمايان صوفيزمله مؤحکملنديرمک ايسته‌ميشدي. منفي اولان شئي ياخشيدير: باشقا سؤزله دئسک، خوشبختليک و حياتدان راضي قالما آرزولارين يئرينه يئتيريلدييني بيلديرير، يعني آغريلي-آجيلي گونلره سون قويولور.

بو اونو گؤسترير کي، بيز صفاني ايسته‌دييميز کيمي قبول ائتميريک و عذابي دا چوخ شيشيرديريک. بو حياتدا اَن بؤيوک ذؤوق عذابي آرتيرماقدير: ياخود دا بو ايکي حيس آراسيندا بالانس وار. اگر اوخوجو بو ايديعانين ثوبوتونو گؤرمک ايسته‌ييرسه، گلين اونا بيري ديگريني يئين ايکي حيوانين کئچيرديdي حيسلري موقاييسه ائدک.

بدبخت و غم-کدر ايچينده اولان بير شخصين آلا بيله‌جه یي اَن گؤزل تسللي باشقالارينين اوندان دا پيس وضعيتده اولدوغونو فيکيرلشمکدير و بو تسللي هر کسه ياخشي تانيشدير. آما عوموميتله بو چوخ بؤيوک فلاکتدير.

بيزلر، اوتلوقدا قوربانيني بير-بير سئچن قصابين نظارتينده اولان قوزولاريق. ياخشي گونلريميز اولاندا بيز شرين — کاسيبليق، خسته‌ليک، شيکستليک، گؤزون گؤرمه‌مه‌سي و سايره کيمي حاللاردا باش وئردييني اونودوروق.

آما بوردا عذابين هئچ بير گوناهي يوخدور، عذابلار بيزي ائله حؤوصله‌دن چيخارير کي، نفس بئله آلا بيلميريک، اَلينده قامچي اولان گؤزتچي تک دايم بيزي ايزله‌يير. سيخينتيلارا سون قويا بيلسک، او زامان بو گؤزتچيني ده دايانديرميش اولاريق.

آيريجا بدبختليين اؤزونون ده بير خئيري وار: يعني عذابلارا سون قويولدوقدا بئله جانيميز هله ده آجييير. اينسان حياتداکي بوتون احتياجلاردان آزاد اولاندا، چتينليک و بدبختليک آرادان قالديريلاندا، ائتديیي هر بير ايش اوغورلا نتيجه لننده، جاني آجيماسا دا اوندا بير نؤوع قودورغانليق يارانير، آخماقليق ائدير – بئله جه دلي اولور. بوندان علاوه اونو دا دئيه بيلرم کي، عذاب و آغريلار هر زامان اينسان اوچون لازيمدير. مثلا، باللاستي (گمينين ایستابيللييني ساخلاماق اوچون آشاغيسينا قويولان آغير ماتئريال) اولمايان بير گمي، ایستابيلليیيني ايتيرر و دوز گئده بيلمز.

ايش، هيجان، امک و ايضطيراب اينسان حياتينين اوزون اولماسيني تامين ائدير. بس ياخشي، بوتون آرزولاري يئرينه يئتن، عذابلاردان قورتولموش اينسان واختيني نئجه کئچيره‌جک؟ اونلار نه ايشله مشغول اولاجاقلار؟ اگر دونيا راحات و فيراوان بير يئر اولسايدي، يئر اوزونده يالنيز سود و بال اولسايدي، کيشيلر قادينلارا هئچ بير چتينليک اولمادان صاحيب اولسايدي، او زامان اينسان سيخينتيدان يا اؤلر، يا دا اؤزونو آساردي: ياخود دا کوتلوي قيرغينلار، جينايتلر، موحاريبه لر باش وئرردي. بئله جه، سونوندا بشريت طبيعتين اونا وئرديیي عذابدان داها چوخ اؤزونه عذاب وئره‌جک.

گنجليک ايللرينده، گله‌جه یه دوغرو باخاندا، بيزلر تئاتردا پرده قالديريلماميشدان اوول اوردا بؤيوک هوسله اوتوروب تاماشانين باشلاماسيني گؤزله‌ين اوشاقلارا بنزيريک. نه باش وئره‌جگيني بيلمه‌مک بؤيوک خوشبختليکدي. بونو گؤره بيلريک، اؤلومه يوخ، بو حياتا محکوم اولان، بو حياتي ياشاماغا مجبور اولان اوشاقلارين گوناهسيز محبوسلارا چئوريلديیي زامانلاردا بئله اونلار جزالارينين نه اولدوغونو آنلاميرلار.

بونونلا بئله هر کس قوجاليغا جان آتير، باشقا سؤزله دئسک اونلار بو جور دوشونور: «بو گونوم ياخشي دئييل، صاباح بوندان دا بئتر اولجاق، او بيري گون ايسه لاپ پيس اولاجاق".

گونشين نه قدر بدبختليک، عذاب، ايضطيراب اوزرينه شفق ساچديغيني تصور ائتسه نيز اعتيراف ائدرسينيز کي، گونش ائله يئرده ده آيداکي کيمي طبيعت حاديثه لرينه سبب اولسايدي و يئرين سطحي ده آيداکي کيمي شفاف اولسايدي داها ياخشي اولاردي.

سن اوندا حياتا يوخلوغون مقدسليیني پوزان بير فايداسيز شئي کيمي باخا بيلرسن. و هر حالدا ايشلرين بابات گئده‌جک، نه قدر چوخ ياشاياسان، بير او قدر آيدين آنلاياجاقسان کي، حيات سني آلداتمير، حيات بدبختچيليکدير.

جاوانليقدا دوست اولموش ايکي نفر، اوزون مدت آيريلييقدان سونرا، ياشلي واختلاريندا گؤروشنده بير-بيرينه اولان اساس حيس لري تام بير خيال قيريقليغي اولاجاق، چونکي يادداشلاري اونلاري ائرکن ايللره آپاراجاق، او ايللره کي، حيات گؤزل ايدي و داها چوخ شئي وعد ائديردي، لاکين بو وعدلر بوشا چيخدي. بو حيس هر کسه او قدر تاثير ائده‌جک کي، اونلار بونو ديله گتيرمه‌ين لابد اولدوغونو بئله دوشونه بيلمه‌يه جکلر؛ لاکين ديگر طرفدن بو ساکيتجه قبول اولوناجاق و اونلارين صؤحبتينين بونؤوره‌سيني تشکيل ائده‌جکدير.

نوه-نتيجه‌لريني گؤرن اينسان يارمارکادا جادوگرين بودکاسيندا اوتوروب، جادويا دال- بادال باخان اينسانا بنزه‌يير. فوکوس يالنيز بير دفعه گؤستريلير و بونو گؤرمه‌ينده و سِحره آلدانماياندا فوکس تاثيرسيز قالير.

اَلينده‌کي لرله کيفايتلنمه‌ديیي سورجه، اينسانين طالعيي دوزلمه يه‌جک. حيات يئرينه يئتيرمه‌لي اولدوغوموز بير تاپشيريقدير. بئله بير دئييم وار "defunctus est"، يعني اينسان آرتيق اؤز تاپشيريغيني يئرينه يئتيريب.

ترجومه: ناميق باغيرلي

کؤچورن: بیرلیک- مئدیا

دوشونجه - اندیشه

ساخت و پرداخت هویتی در ایران/ سعید پیوندی

ساخت و پرداخت هویتی در ایران/ سعید پیوندی
ایرانی بودن به چه معناست و این حس هویتی مشترک میان مردمان سرزمینی که در داخل مرزهای امروزی کشور زندگی می‌کنند از ادامه...

ستارخان دوشونجه لرینی ، هله ده دوشونمه ین لر وار/ ابراهیم...

ستارخان دوشونجه لرینی ، هله ده دوشونمه ین لر وار/ ابراهیم...
چاغداش تاریخیمیزده اؤز دؤوروندن ایرلی گئدن اینسانلاریمیز آز اولماسا دا آراسیرا اؤزگه اولوسلارین بویوندوروغو ادامه...

ژان پول سارتر نه دئییردی؟

ژان پول سارتر نه دئییردی؟
ژان-پول سارتر (Jean-Paul Sartre) 1905-جي ايلده آنادان اولوب. گمي کاپيتاني اولان آتاسي او کؤرپه اولارکن دونياسيني ادامه...

شاید مسأله حق تحصیل به زبان مادری باشد!/ سعید متین پور

شاید مسأله حق تحصیل به زبان مادری باشد!/ سعید متین پور
در نخستین سال‌های دهه‌ی ۶۰ خورشیدی «حبیب ساهر» مدرس و مؤلف علم جغرافیا و شاعر نوپرداز با پرتاب خود از بالکن ادامه...

طبقه کارگر و مسأله ملی/ و. ای. لنین

طبقه کارگر و مسأله ملی/ و. ای. لنین
روسیه، تا آنجایی که به مسأله ملیتهای او مربوط می‌باشد، کشوری است مختلط. سیاست حکومت که همانا سیاست ملاکین ادامه...

سون ماتريال