خانه/ ائو

فیکير آزادليغينا قارشي چيخانلارين 6 يانليشي

 

fikir azadligi1.بو شخصلر ايفاده ائديلمه‌سينه ايجازه وئريلمه‌ين فيکيرلرين دوشونولمه يه‌جه يیني و اينکيشاف ائتديريلمه يه‌جه یيني ظن ائديرلر. بو دوغرو دئييلدير. ايفاده ائديلمه‌سينه ايجازه وئرمه‌مک بير فيکرين اورتايا چيخماسينا، اينکيشاف ائتمه‌سينه، فورما آلماسينا مانع اولا بيلمز. بونون بئله اولدوغو بير چوخ تاريخي تجروبه ايله ثوبوت اولونموشدور. حتّي ترسي داها دوغرودور: باسديريلماق ايسته‌نيلن فيکيرلر داها سورعتلي اينکيشاف ائدير و داها آسان ياييليب قوووتله‌نير.



2.بو شخصلر ايفاده ائديلمه‌سينه ايجازه وئريلمه‌ين فيکيرلرين نقل ائديله بيلينمه يه‌جه یيني، ياييلا بيلمه يه‌جه يیني، تاثيرلي اولا بيلمه يه‌جه یيني دوشونورلر. بو دا بير يانليشدير. فيکيرلر ياييلماسي و هر يئره چاتماسي انگللنه بيلمه يه‌جک، نوفوذ ائديجي، يولوخوجو وارليقلاردير. اونلاري زورلا، هده ايله، دؤولت تضييقي ايله تاماميله يوخ ائتمک، موعين چرچيوه‌لرله سرحدله‌مک مومکون دئييل.

3.بو شخصلر فيکيرلره قارشي تضييق و شيددتله موباريزه آپاراجاقلاريني دوشونورلر. بو دا غئيري-مومکوندور. فيکيرلر تانکلا، توپلا، پوليسله، محکمه ايله، حبسله سوسدورولا، تاثيرسيزلشديريله بيلمز. فيکيرلره قارشي آنجاق باشقا فيکيرلرله موباريزه آپارماق مومکوندور. بير فيکير باشقا بير فيکيرله موذاکيره یه چيخاريلا بيلر. بير فيکره باشقا بير فيکير يئرينه هده، تضييقله جاواب وئرمه‌يه چاليشماق بونو ائدنلرين فيکير ساحه سينده‌کي عاجيزليگيني گؤسترمکدن باشقا بير خئييري يوخدور.

4.بو کيشيلر "يانليش" اولان فيکيرلري باسديرماغين، اونلارين صاحيبلرينه زورلا "دوغرو" فيکيرلري منيمستمه یين اخلاقي اولاراق دوغرو، پراکتيکي اولاراق مومکون اولدوغونو دوشونرلر. بو لاکین و ميلين ايشاره ائتديگي کيمي غئيري-مومکون و يانليشدير. فيکيرلر بيزيم کؤنوللو اولاراق و امين اولدوغوموز، دوغرو اولدوغونا اينانديغيميز اوچون منيمسه‌ييب بئينيميزه يئرلشديرديیيميز شئيلردير. زورا معروض قالماغيميز اونلارين ذهينيميزده‌کي مؤوقئعييني دَييشديرمز. تضييق، هده فيکيرلريميزدن ايمتيناع ائتمک يئرينه اونا داها چوخ صاديق قالماغيميزا مجبور ائدر.

5.ايفاده آزادليغيندان هذ آلمايانلار ايفاده آزادليغينين اورتايا چيخماسينا و ياييلماسينا کؤمکچي اولاجاغي فيکيرلرين فعاليته کئچه‌جگيني و سياسي پروقرام حالينا گتيريليب تطبيق ائديله‌جه یيني ظن ائديرلر. هر هانسي فيکير ياراناندان بير آز سونرا فعاليته کئچمز و وار اولان قورولوشلاري و قوروملاري دَييشديرمز. فيکيرلرين پراکتيکي تطبيقي بعضاً هئچ اولماز، بعضاً اون ايللر، حتّي يوز ايللر عرضينده باش وئرر. باشقا بير ايفاده ايله فيکرين "زامان"ي يوخدور. زاماني گلميش فيکرين حؤکمونو ايجرا ائتمه‌سي هئچ بير حالدا انگللنه بيلمز.

6.بو شخصلر باشقا فيکيرده اولانلارين ايفاده آزادليغينين پوزولماسينين اؤزلرينين عوموميتله آزادليغينا و خوصوصيله ايفاده آزادليغينا ضرر وئرمه يه‌جه یيني دوشونورلر. حالبوکي آزادليقلارين پوزولماسي هم اورتاق پروبلئملردير، هم ده ويروس کيمي يولوخوجودور. هر هانسي شخصلرين ايفاده آزادليقلارينين پوزولماسي عومومي آزادليق ساحه سيني دارالداجاق و دولاييسي ايله ضرر چکمه‌ينلرين آزادليغينين سرحدديني ده دارالداجاقدير. بو جور سيخيلمانين باشا دوشولمه‌سي همين آن اولمايا بيلر، آما آيدين اولدوقدا چوخ گئج ده اولا بيلر. بو باخيمدان شخصلرين باشقالارينين ايفاده آزادليغي مؤوضوسوندا ديقتلي حرکت ائتمه‌لري اؤز ايفاده آزادليقلاري مؤوضوسوندا حقيقتن حساس اولدوقلاريني گؤسترير. باشقالارينين آزادليقلاريني بوغان ايفاده آزادليغينين پوزولماسينا سئوينمک، راحات اولماق و يا بو پوزونتولارا لاقئيد قالماق آياغيميزين آلتينداکي خالچانين ياواش-ياواش سوروشدورولدويونو حيس ائتمه‌مک معناسينا گلير. بو جور پوزونتولارا شيددتله قارشي چيخماماق ايجتيماعي نوفوذلارينين زامانلا ايفاده آزاليغي ساحه سينه کئيفي ايسته‌ديیي شکيلده موداخيله ائتمه ورديشي فورمالاشديرماسينا و بونون اوچون گرکلي قانوني دونو و اينظيباطي مئخانيزماني حاضيرلاماسينا دولايي دستک گؤسترمه‌سي نتيجه‌سيني ده وئره‌جکدير.


ترجومه ائتدي: فريدبي حسنلي

کؤچورن: بیرلیک مئدیا

منبع: آتيللا يايلا "ايفاده اؤزگورلویو ندير و نه ايچين گرکليدير؟

دوشونجه - اندیشه

ساخت و پرداخت هویتی در ایران/ سعید پیوندی

ساخت و پرداخت هویتی در ایران/ سعید پیوندی
ایرانی بودن به چه معناست و این حس هویتی مشترک میان مردمان سرزمینی که در داخل مرزهای امروزی کشور زندگی می‌کنند از ادامه...

ستارخان دوشونجه لرینی ، هله ده دوشونمه ین لر وار/ ابراهیم...

ستارخان دوشونجه لرینی ، هله ده دوشونمه ین لر وار/ ابراهیم...
چاغداش تاریخیمیزده اؤز دؤوروندن ایرلی گئدن اینسانلاریمیز آز اولماسا دا آراسیرا اؤزگه اولوسلارین بویوندوروغو ادامه...

ژان پول سارتر نه دئییردی؟

ژان پول سارتر نه دئییردی؟
ژان-پول سارتر (Jean-Paul Sartre) 1905-جي ايلده آنادان اولوب. گمي کاپيتاني اولان آتاسي او کؤرپه اولارکن دونياسيني ادامه...

شاید مسأله حق تحصیل به زبان مادری باشد!/ سعید متین پور

شاید مسأله حق تحصیل به زبان مادری باشد!/ سعید متین پور
در نخستین سال‌های دهه‌ی ۶۰ خورشیدی «حبیب ساهر» مدرس و مؤلف علم جغرافیا و شاعر نوپرداز با پرتاب خود از بالکن ادامه...

طبقه کارگر و مسأله ملی/ و. ای. لنین

طبقه کارگر و مسأله ملی/ و. ای. لنین
روسیه، تا آنجایی که به مسأله ملیتهای او مربوط می‌باشد، کشوری است مختلط. سیاست حکومت که همانا سیاست ملاکین ادامه...

سون ماتريال