بيانيه لر

8 مارت قادین گونو موناسیبتی ایله

Qadin1
آزربایجان قادین لاری بیرلیگه دوغرو
!

 

قادین لارین دیره نیش گونو، 8 مارت،آ یاخینلاشیرق. گئچن سنه قادین لارا باسقی، حؤرمت سیزلیک، حقوق سوزولوق و اورتادوغو بؤلگه ده سینده و اؤزللیکله سوریه ده گئدن ساواش قادین لاری دونیا سویه سینده سارسیلتمیشدیر. اؤتن ایلن باشقا اؤزلیک لریندن بیری ده قادین لارین سورگون دوشمک و قاچقین اولماسی ایدی. آجیناجاق قاچقین آخینی نین گئچن ایللرده گئنیش بؤلومونو قادین لار و اوشاق لار تشکیل ائتمیشدیرلر. بو حادیثه لر دونیانین هر بیر گوشه سینده بؤیوک بیر حادیثه کیمی قارشیلانمیشدیر.

 

ایران،آ گلدیکده، ایسلام جمهوریتی نین حاکمیتی نین دوام، قادینا حاقسیزلیق، اونا یاریمجیل بیر اینسان و هله ده سیخینتی اولان بیر"شی" سایلیر. گونئی آزربایجان دا قادین بونلاردان علاوه، کیشی سل "مدنیتی" باسقی سی، یوخسوللوق، اتنیک آیری-سئچیکمه و آسیمیلا سیون سیا ستینه معروض قالمیشدیر.

 

 

قادین حرکاتی نین ایران چاپین دا یئنی چاباسی دا گؤزدن آتیلمامالیدیر. ایرانین سون پارلمئنت سئچگی لرینده، باخمییاراق کی قادین لار بو اؤلکه ده چوخ گئنیش واسیطه ده سیخینتی داردیرلار، آمما سون سئچگی لرده چوخ سایی دا قادین، او جمله ده ن آزربایجان قادین لاری، گئنیش واسیطه ایله اؤزلرینی مجلیس سئچگی لرینه آدای (کاندید) ائتمیشدیرلر. آمما تاسفله قادین لارین بو چاباسی، قوروجولار شوراسی نین (شورای نگهبانین) او کاندیدلرین مجلیس سئچگی لرینده ایشتراک ائتمک ده ن محروم ائتمه لری اوچون، او قادین لار بو چابالارین سونوجلاندیرماقدان محروم قالمیشدیرلار. هر زامانی کیمی اؤنجول قادین لار یئنی چیخیش یولارینا اه ل آتیب حاقلارینی هایکیرماق و برابرلیک اوچون موباریزه ائتمک دن دایانمامیشدیرلار.

 

آزربایجان قادین حرکاتی اؤز چاباسینی موستقیل بیر قادین حرکاتی نین جانلانماسینا، اونون اورقانیزه اولماسینا و آزربایجان آدینا حرکاتی فورمالاشدیرماسیندا چالیشمالی دیر. تورک قادینی اؤز قادین موباریزه سینده اؤز قوه سینه، اؤز کادرلارینا و اؤز تشکیلات لارینا سؤیکنمه لی و اونلاری گئنیش دیرمه لیدیرلر. آزربایجان قادین حرکاتی 8 مارت دا اؤز آدینا چیخیش ائتمه لی دیر و آزربایجان دا یاشایان قادینین مسئله لرینه آچیلیش و اوغور قازانماسی اوچون بیر یول تاپمالی دیر.

 

آزربایجان قادین حرکاتی، بو کوتله نین تاریخی، مدنیتی، اقتصادی و یا سیاسی گلیشمه سی نه باخاراق آزربایجان قادینینین بیرلییه دوغرو آپارمالیدیر.

 

"بیرلیک" آزربایجان و هابئله دونیا قادین لارینا 8 مارتی تبریک ائدیر.

 

آزربایجان میللی دئمکراتیک بیرلیگی- بیرلیک

مارت 2016