بيانيه لر

دونیا آنا دیلی گونو ایله باغلی اورتاق بیلدیری- گادپ، بیرلیک، گاقپ، آذوح

"…motherlanguageو نهایت، بیر من قالدیم، بیر دیلیم...

دوغراسالار دیلیم دیلیم، منیم دیلیم، اولن دئییل..."

 

1999 ایل‌دن اعتیبارا بيرلشميش میللتلر تشكيلاتی‌نین آلدیغی قرار اوزره ۲۱فئورال دونیا آنادیلی گونو آدلانمیش و بوتون اؤلکه‌لرده بایرام کیمی قئید اولونور آما ایران-دا، ایران آنایاساسی‌نین 15جی مادده‌سی فارس اولمایان میللت‌لرین اؤز آنادیلینده اوخوماقی اؤن گؤرسه ده هئچ بیر زامان او مادده عملی اولماییب‌دیر و نه تک دؤولت اورقانلاری بونون دوغرولتوسوندا هئچ بیر آددیم آتمیر، میللی درنکلر و شخصلرین کؤنوللو چابالارینا بئله انگل اولورلار.

 

ایندیلیكده دونیادا یاخلاشیق آلتی مین دیلده دانیشیلیر، آمما یاشادیغیمیز یوز ایللی یین سونونا ده ك بو دیللرین یاریسی آرادان گئده جكدیر. دئمك هر ایكی هفته ده بیر دیل. بیر دیلی قورویوب ساخلاماق اوچون تعصصوبلو اولماق گرکیر. بیر میللتین وارلیقی توپراق، تاریخ و هر بیر وارلیقدان اونجه اونون دیلی حئساب اولونور. اونون اوچون ده استعمار بیر میللتی اوز مستعمره سینه چئویرمک اوچون ایلک اونون دیلین الیندن آلماغا چالیشیر.

 

 

شرفلی آذربایجان تورک میللتی!

 

آذربایجان میللی حرکتی ان حساس گون‌لرینی یاشاماقدا‌دیر. بؤلگه‌دکی دئییشیک‌لیک‌لر البته کی بیزیم حرکتی ده اؤز تأثیری آلتینا آلا‌جاق‌دیر و بو عرفه ده بیزیم توتدوغوموز دوغرو سیاست گلجگیمیزین آیدینلیغینا یول آچاجاقدیر. بولگه نین بو آغیر دوروموندا اؤز وارلیقلاریمیزا صاحیب چیخا‌راق و تورک دیلینده مدرسه، آنا دیلینده مدرسه، اولما‌لی‌دیر هر کسه شعاری ایله هر یئرده دونیا آنا دیلی گونونو عزیزله مه لییک.

 

دونیا آنادیلی گونو عرفه‌سینده بو بایرامی آذربایجان قهرمان میللتینه تبریک ائدیب، هامینی اؤلکه‌ده دیل قاداغاسی علئیهینه اعتیراض سسلرینی اوجالتماغا و بو یاساقلارین آرادان قالدیریلماسیندا باشلانان حرکته یاردیمجی اولماغا چاغیریریق.

 

ایران اسلام رئژیمی نین اؤلکه ده فارس اولمایان میللت لرین دیللرینه قویدوغو قانونسوز قاداغانی محکوم ائدیب، بو سیاستی غئیری اینسانی و غئیری مدنی اولدوغوندان قیناییب، ایراندا تورک نوفوسونون سایی سینا اساسلاناراق، آذربایجان تورکجه سینین رسمی دوولت دیلی اولماسینی ایسته ییریک.

 

گونئی آذربایجان دئموکرات پارتیاسی- گادپ

 

گونئی آذربایجان میللی دئموکراتیک بیرلییی- بیرلیک

 

گونئی آذربایجان قورتولوش پارتیاسی- گاقپ

 

آذربایجان اویرنجی حرکاتی- آذوح

 

20.02.2015

 

Dünya ana dili günü ilə bağlı ortaq bildiri (GADP- BİRLİK- GAQP- AZOH)

 

"...Və nəhayət, bir mən qaldım, bir dılım...

 

Doğrasalar dilim dilim, mənim dilim, ölən deyil..."

 

1999 ildən etibarən birləşəmiş millətlər təşkilatının aldığı qərar uzrə ۲۱ fevral dünya anadili günü adlanmış və bütün ölkələrdə bayram kimi qeyd olunur ama iran-da, iran anayasasının 15ci maddəsi fars olmayan millətlərin öz anadilində oxumağı ön görsə-də heç bir zaman o maddə əməli olmayıbdır və nə tək dövəlt orqanları bunun doğrultusunda heç bir addım atmır, milli dərnəklər və şəxslərin könüllü çabalarına belə əngəl olurlar.

 

İndılikdə dünyada yaxlaşıq altı min dildə danışılır, amma yaşadığımız yüz illiyin sonuna dək bu dillərin yarısı aradan gedəcəkdir. Demək hər iki həftə də bir dil. Bir dili qoruyub saxlamaq üçün təəssüblü olmaq gərkir. Bir millətin varlığı topraq, tarix və hər bir varlıqdan oncə onun dili hesab olunur. onun üçün-də istimar bir milləti öz müstəəmirə-sinə çevirmək üçün ilk onun dilin əlindən almağa çalışır.

 

Şərəfli Azərbaycan türk milləti!

 

Azərbaycan milli hərkətı ən həssas günlərini yaşamaqdadır. Bölgədəki deyişikliklər əlbəttə ki bizim hərəkəti-də öz təəsiri altına alacaqdır və bu ərəfə-də bizim tutduğumuz doğru səyasət gələcəyimizin aydınlığına yol açacaqdır. Bölgənin bu ağır durumunda öz varlıqlarımıza sahib çıxaraq və türk dilində mədrəsə, ana dilində mədrəsə, olmalıdır hər kəsə şüarı-ilə hər yerdə dünya ana dili gününü əzizləməliyik.

 

Dünya anadili günü ərəfəsində bu bayramı Azərbaycan qəhrəman millətinə təbrik edib, hamını ölkədə dil qadağası əleyhinə itiraz səslərini ucaltmağa və bu yasaqların aradan qaldırılmasında başlanan hərəkətə yardımcı olmağa çağırırıq.

 

İran islam rejiminin ölkə-də fars olmayan millətlərin dillərinə qoyduğu qanunsuz qadağanı məhküm edib, bu səyasəti qeyri insani və qeyri mədəni olduğundan qınayıb, iranda türk nufusunun sayısına əsaslanaraq, Azərbaycan türkcəsinin rəsmi dövlət dili olmasını istəyirik.

 

Güney azərbaycan demokrat partiyası- GADP

 

Güney Azərbaycan milli demokratik birliyi- BİRLİK

 

Güney Azərbaycan qurtuluş partiyası- GAQP

 

Azərbaycan öyrənci hərəkatı- AZOH